Семейдің биологиялық орталығы тұңғыш рет алып асқабақты өсірді

30 қыркүйек 2017, 10:32

Оның салмағы – 40 келі, диаметрі – 170 сантиметр. Ал оны өсіру үшін ешқандай химиялық қоспалар қолданылмаған. Бұл туралы КТК телеарнасы хабарлады.

Сондықтан мамандар бұл асқабақты таза табиғи өнім деп отыр. Айтуларынша, көкөністі үйірме оқушылары ала жаздай күніне екі мәрте суғарып, күтіп-баптаған екен. Қазір, оны екі адам әрең көтереді. Алғашында бұған өздері де сенбеген. Енді, дәрі- дәрмексіз үлкен өнім алуға болатынына көз жеткізген, орталық мамандары келер жылы жетістіктерін еселей түспек ниетте. Тіпті биыл асқабақпен қатар, салмағы бір келіден асатын сәбіз бен картоп та өсіріпті.