Семейде пәтерге қамалған екі бала құтқарылды (видео)

Семей қаласының 35-орамда орналасқан пәтердің бірінде, пәтер иесі кір жаюға аулаға шыққан, кезде пәтер есігі ішінен жабылып қалғанын көреді. Пәтер ішінде екі және бір жастағы балалар болған. Олардың өмірі мен денсаулығына қауіп төнгендіктен, балалардың анасы құтқарушылардан көмек сұраған, деп хабарлайды Baq.kz.

«112» пультіне сағат 14:45-те хабарлама келіп түседі. Шақыру орнына құрамы 4 адамнан тұратын бөлімше құтқарушылары жіберілді.

«№2 Мамандандырылған өрт сөндіру бөлімінің құтқарушылары оқиға орына жедел жетіп, кіре беріс есікті демонтаждау туралы шешім қабылдады. Сағат 15:05-те авариялық-құтқару жұмыстарын жүргізу нәтижесінде бәрі сәтті аяқталды. Балалар құтқарылып, анасына табысталды» — дейді құтқарушылар.

Егер пәтер ішінде өздігінен есікті аша алмайтын балалар, қарт адамдар, мүгедектер қалса, мұндай азаматтарға құтқарушылар көмекке келеді.

Қосулы қалған газ, электр плита, жылытқыш электр құрылғылары, яғни өрттің шығуына немесе жарылыстың орын алуына себеп болатын барлық жағдайлар адам өмірі мен денсаулығы үшін қауіпті.

Құтқарушылар ата-аналарға және барлық қала тұрғындарына балаларды ересектердің қарауынсыз қалдырмау керектігін естеріне салады.

Құтқарушылардың жыл басынан бері облыс бойынша осындай оқиғаларға тап болған 215 баланы құтқарған.

Естеріңізге саламыз, адам өмірі мен денсаулығына қауіп төнген жағдайда, шұғыл түрде «101» немесе «112» нөмірі бойынша құтқару қызметтеріне қоңырау шалу қажет.