Саунадағы балалар лагері: кәсіпкер әйел мен шенеунік сотталды

Былтыр жазда балалар лагерінің моншада орналасқаны туралы ақпарат жұрттың жағасын ұстатқан. Ерекше қажеттілігі бар 50 бала бір бөлмеде сығылысып, кейбірі тіпті еденде жатқаны белгілі болды. Ата-аналар дабыл қаққан соң осы лагерьге қатысты тексеру жүргізілді.

Сөйтсе, кәсіпкер әйел байқауда жеңу үшін Алматы қалалық білім басқармасының мемлекеттік сатып алу жөніндегі бас маманына ірі көлемде пара бермекші болған.

Қалалық соттардың баспасөз қызметі хабарлағандай, шенеунік кінәсін мойындамапты. Ал кәсіпкер кінәсін толық мойындап, бас бостандығынан айырмауды өтінген. Шенеунік пара алуға оқталғаны үшін алты жылға, кәсіпкер алаяқтық жасауға әрекет жасағаны үшін бес жылға сотталды.
Үкім әлі күшіне енген жоқ.

JQ-Aqparat