Сандуғаш Стамғазиева: Төреғалиге ризамын

Әнші, компазитор Алтынбек Қоразбаевтың жары Сандуғаш Стамғазиева Төреғали Төреәліге риза екенін жеткізді, деп хабарлайды Today.kz.

Жақында Төреғали Төреәлі мен Мөлдір Әуелбекованың «Сен болмасаң» әніне түсірілген бейнебаян жарық көрді. Қос әнші қоңыр үнді Мейрамбек Бесбаев пен сахнадан көрінбей кеткен Сандуғаш Стамғазиеваның әнін қайта орындаған.

«Мен жастарға ризамын. Мөлдірге ризамын. Төреғалиға ризамын. Өнерлеріне тәнті адамдардың бірімін. Біздің өнерімізді жалғастыратын осы жастар ғой»,- деді осы орайда Сандуғаш Стамғазиева.

Өз концертінде егде жастағы кісіге түрлі ауыр сөз айтқаны үшін сынға ілінген Төреғали Төреәлі осы жолы да жұмыс кестесінің тығыздығын желеу етіп, пікір білдіруден бас тартты.