Сәкен Майғазиев: Баламызды «өсіп-өнгір, тұқымың көбейгір, көктеп-көгергір…» деп қарғайық

Әнші Сәкен Майғазиев әлеуметік желіде балаларына ашуланатын ата-аналарға жазба арнады.

«Кейде кейбіріміз құлыншақтарымыз құтырып кетсе, бұзықтық жасап, шектен шығып жатса (абайламай) қарғап-сілеп жатамыз. Мынау тентек сенің балаң ба десе: “Ия, бұл әкең… бұзық, сотқар, жынды, бандит, xулиган…”, — деп қалатынымыз да жасырын емес. Балаларымызға ұрысқанда да, “Өсіп-өнгір, тұқымың көбейгір, көктеп-көгергір, жапырағың жайқалғыр…”, деп “қарғайық”. Имандым, саналым, ақылдым, білімдім, батырым т.с.с жақсы сөздермен еркелетейік.

1984 жылдан бері бас имамдық міндетін атқарған әл-Судайс “Анамның “қарғысымен” имам болдым” деп еске алады: “Кішкентай кезімде тентектік жасасам анам маған ашуланып “Қағбаға имам болғыр, Судайс”, -дейтін. Анамның осы «қарғысы» маған берген ең жақсы батасы болып шықты. Өскенде, Қағбаға имам болдым”, — деген екен.
Алла тағала баршамызға салиx ұрпақ нәсіп еткей», — деді өнер иесі.

JQ-Aqparat