Сүйіктісімен айырылысқан Ақбота енді өзін толықтай шығармашылыққа арнамақ

Ақбота Сейітмағамбеттің Дәурен Айдарқұловпен ажырасқаны туралы жазбасы жұртты шулатқан болатын. Алайда әнші бұл жағдайға қатысты еш жабырқамай, шығармашылыққа белсене кірісіп кеткенін айтып жатыр.

Бұл туралы НТК арнасының “Ревю” бағдарламасында айтылды.

“Маңдайға жазғаны болар?! Әрине, өкініш жоқ. Қазір мені жақындарым мен туысқандарым қолдап жатыр. Аллаға шүкір, Ибраһим атты сәбиім бар. Бәрі ойдағыдай. Қазіргі таңда шығармашылыққа белсене кірісіп кеттім. Өзімнің актерлік шеберлігімді дамытып, телехикаяларға түсіп жатырмын. Бұйырса, отандық телеарналардың бірінде жаңа образда өзімді белсене көрсететін боламын”, – дейді Ақбота Сейітмағамбет.

Дәуренмен арадағы қарым-қатынасқа нүкте қойылғанымен, Ақбота қол қусырып отырған жоқ. Алайда жастайынан тағдырдың тауқыметін тартқан бикештің бар жұбанышы ұлы мен жақындары ғана. Ал Ақботамен арадағы орын алған отбасылық трагедияға қатысты Дәурен Айдарқұлов сұхбат беруден бас тартты.

stan.kz