«Рухани жаңғыру» бағдарламасы ұлтаралық татулықты нығайтады

«Мемлекет басшысы Нұрсұлтан Назарбаев жария еткен «Рухани жаңғыру» бағдарламасы Қазақстандағы ұлтаралық татулықты нығайта түседі» дейді ұйғыр этномәдени орталығының Атырау облыстық филиалының төрағасы Анарбек Нодияров.

Оның пікірінше, ұлтаралық татулықтың қазақстандық үлгісі – қазақстандық өзге ұлт өкілдерінің этникалық бірегейлігін, мәртебесін сақтауға негізделген. «Яғни, мемлекет ұлтаралық бейбітшілік пен келісім үлгісін әу бастан басты назарда ұстап келе жатыр. Бұл — қазақтың қанына сіңген болмысындағы ауылға келген мейманды құшақ жая қарсы алу, өзгені құрметтеу, сыйластық, бауырластық қарым-қатынастар сынды асыл қасиеттерінің арқасы. Ең бастысы, бізде әр адамның еңбегіне қарай бақуатты өмір сүруіне, алаңсыз жұмыс істеуіне барлық жағдай жасалған. «Рухани жаңғыру» бағдарламасы ең алдымен санада сілкініс оятуы керек» дейді ол.

Баян АТАЙМАНҚЫЗЫ