Робот сот орындаушыны ығыстырады

Бізде айыппұлды уақытында өтей алмағандар 25 пайызға дейінгі сомасын жеке сот орындаушыға төлеуге міндетті еді.
Енді бұл қызметті робот тегін атқарады.
Әділет министрлігі республикалық ЖСО палатасымен бірлесіп, Тараз қаласында оңтайландырылған атқарушылық өндірісті енгізу бойынша пилоттық жобаны іске қосты.
Соның арқасында тұрғындар 2 млрд теңгеге дейін үнемдей алады.
Жүйе алгоритмі мына тәртіппен жұмыс істейді:
* Бас прокуратураның құқықтық статистика және арнайы есепке алу жөніндегі комитеті 50 күн ішінде төленбеген әкімшілік құқық бұзушылық үшін айыппұл сомасын өндіріп алу туралы ұйғарым жібереді.
* Робот 5 күнтізбелік күн ішінде талапты орындау қажеттігі туралы SMS хабарлама жібереді.
* Айыппұл бойынша ерікті төлем болмаған жағдайда, жүйе жеке сот орындаушысына мәжбүрлеп орындауға атқару парағын ұсынады.
* Төлем уақтылы жүргізілсе, атқарушылық іс жүргізу артық шығынсыз тоқтатылады.
Жоба сәтті жүзеге асып жатса, бүкіл ел аумағына енгізу жоспарланып отыр.

JQ-Aqparat