Регби ойынынан республикалық жарыс өтеді

2017 жылғы12 қазанкүні Алматы облысы Жамбыл ауданының орталығы Ұзынағаш кентінде регби ойынынан республикалық жарыс өтеді. Турнирді Қазақстан Республикасы Ұлттық ұланы ұйымдастырып отыр.

Дүбірлі додаға еліміздің түпкір-түпкірінен арнайы келген спорт командалары, атап айтқанда Батыс, Солтүстік, Шығыс, Оңтүстік облыстарына, сондай-ақ Астана мен Алматы қалаларының спортшылары қатысады.

Регби ойыны жайлы қысқа тоқтала етсек, 2015 жылдан бері «Регби» ойыны Олимпиада ойындарының құрамына кіріп, күллі әлемде үлкен беделге ие болып тұр.

Жалпы алғанда, регби ойынын мықтылардың ойыны немесе әскерилердің ойыны деп жатады. Өйткені, шет мемлекеттерде әскери салада кең өркен жайған ойын. Яғни, әскери салада дамытуға қолайлы жарыс түрі.

Қазіргі таңда Ұлттық ұлан сабында аталған спор түрін дамыту жіті назарға алынған. 2015 жылы Ұлттық ұлан Бас қолбасшысы генерал-лейтенант Руслан Жақсылықовтың бұйрығымен регби Ұлттық ұланда қолданбалы спорт түрінің қатарына енді.

Доданың ашылу рәсіміне Қазақстан Республикасының Регби федерациясының президенті Мұрат Уанбаев, «Динамо» СБФ спорт басқармасының басшысы Николай Князев, «Қ.Мұнайтпасов» атындағы республикалық спорт колледжінің директоры Амалбек Тшанов, күш-қуат органдарының жетекшілері,аудандық мәслихат депутаттары, сондай-ақ республикалық спорт ұйымдарының өкілдері қатысады.

Жарыстың ашылуы қазанның12 күні сағат 09.30-да Ұзынағаш кентіндегі Ұлттық ұланның 28237 әскери бөлімінің спорт кешенінде өтеді.

Аккредитация үшін байланыс телефондары: 279-17-25, 8(707) 114-19-78, e-mail: ng_5449@mail.ru

ҚОСЫМША: спорт шарасына көлікпен жеткізу және түскі тағаммен қамтамасыз ету әскери құрылым тарапынан.

Шараға жеткізетін көлік 2017 жылы 12 қазан күні сағат таңғы сағат 08. 15 минутта Ұлттық ұланның «Оңтүстік» өңірлік қолбасшылығының алдынан жүретін болады.

Мекенжайы: Алматы қаласы, Жібек жолы-Амангелді Иманов көшелерінің қиылысы.