«Проблемалық кредиттер қорының» бұрынғы басшысы не үшін қамауға алынды?

Астанада «Проблемалық кредиттер қоры» АҚ-ның бұрынғы басқарма төрағасы Дәулет Бақберген қамауға алынды деген ақпарат тарады. Бұл туралы Козачков Telegram арнасында хабарланды. Арнадағы мәліметке сүйенсек, Дәулет Бақберген қызметтік өкілеттіктерін асыра пайдаланды деген күдікке ілінген. Бұл бап бойынша 7 жылға дейін бас бостандығынан айыру жазасы қарастырылған.
«Проблемалық кредиттер қоры» АҚ — Қазақстан Республикасы Қаржы министрлігіне қарасты ұйым. Қор екінші деңгейлі банктердің балансындағы проблемалық активтерді қабылдап алып, оларды кейіннен қайта сатумен айналысады.
Дереккөз мәліметінше, Дәулет Бақберген біраз уақыт бұрын Астанада ұсталып, кейін Алматыға жеткізілген. Сондай-ақ қазіргі таңда істі Ұлттық қауіпсіздік комитетінің Сыбайлас жемқорлыққа қарсы қызметі тергеп жатқанын айтады. Алайда құқық қорғау органдары аталған іс бойынша ресми мәлімет берген жоқ.