«Үкіметтің жұмысына жаңа серпін беру қажет». Мәжілістің жалпы отырысында Мемлекет басшысы Қасым-Жомарт Тоқаев осылай деді.
«Жаңа экономикалық даму жағдайына бейім болып, кез келген қауіп-қатерге төтеп беру үшін Үкіметтің өзі де толық қайта жандануға дайын болуы тиіс. Соның арқасында өзекті мәселелерге жаңа көзқараспен қарап, нағыз реформаторлық шешімдер қабылдау мүмкін болмақ. Үкіметтің жұмысына жаңа серпін беру қажет деп ойлаймын. Бүкіл қоғамның күтіп отырғаны осы. Сол себепті кеше мен Премьер-Министр Әлихан Асханұлы Смайыловтың отставкасы туралы өтінішін қабылдадым. Әлихан Асханұлының басшылығымен Үкімет ел экономикасында және әлеуметтік салада тұрақтылықты қамтамасыз етті. Қарқынды дамуға қажетті маңызды қадамдар жасады», — деді Президент.
Айта кетейік, қазіргі уақытта Мәжілісте Премьер-Министр лауазымына Олжас Бектеновтың кандидатурасы талқыланып жатыр.
JQ-Aqparat