Бүгін Президент Қасым-Жомарт Тоқаев мәдениет және ақпарат министрін қабылдады.
Аида Балаева мәдениет және ақпарат министрлігінің атқарған жұмыстарының нәтижесі, сондай-ақ ведомствоның алдағы қызметі барысында қолданылатын перспективті тәсілдер жөнінде баяндады.
Сондай-ақ ақпарат, мәдениет, креативті индустрия, азаматтық қоғам, дін, этносаралық қарым-қатынас, жастар және отбасылық-демографиялық саясат салаларында қабылданып жатқан шаралар туралы мәлімет берді.
Аида Балаева ведомствоның жетекшілік ететін салаларын дамытуға қатысты жоспарын айтты.
Мемлекет басшысы кездесу соңында министрлікке мәдени-тарихи нысандардың инфрақұрылымын дамыту, шығармашылықты қолдау, Қазақстанның мәдениетін шетелде дәріптеу секілді міндеттерді жүктеді. Креативті индустрияны институционалдық тұрғыда қолдау және аталған саланы жедел дамыту жұмыстарын жандандыруды тапсырды.
JQ-Aqparat
Сурет: aqorda.kz