Президент: Барлық қарама-қайшылықтарды халықаралық нормаға сай шешу қажет

Президент Қасым-Жомарт Тоқаев кеше Киевте Айдос Садықовқа жасалған қастандық әрекетке қатысты пікір білдірді.

«Елімізде заң үстемдігін нығайтып жатырмыз, яғни барлық салада, ең алдымен, заң үстемдігін қамтамасыз ету – басты міндет. Бұл мәселе бойынша менің көзқарасым – айқын. Мұны өздеріңіз де жақсы білесіздер. Қазақстанда Заң мен тәртіп бәрінен биік тұруға тиіс. Сондықтан қоғамдағы барлық қарама-қайшылықтар мен келіспеушіліктерді тек қана құқықтық тұрғыдан, яғни тиісті заңнамаға және негізгі халықаралық нормаларға сәйкес шешу қажет.

Кеше Қазақстан азаматы Айдос Садықовқа қатысты Киевте болған қылмысқа да дәл осы ұстаным тұрғысынан қараған жөн. Мен дипломатиялық арналар мен құқық қорғау органдары арқылы осы оқыс оқиға бойынша Украина тарапына ресми сұратулар жіберу туралы нақты тапсырма бердім. Сондай-ақ қажет болған жағдайда Қазақстанның ресми органдары істің ақиқатына жетуге жәрдем беру үшін тергеу жұмысына қатысуға дайын екенін айтқым келеді», – деді Президент.

Еске сала кетейік, кеше Киевте «Бәсе» YouTube каналының авторы Айдос Садықовқа қастандық жасалғаны хабарланды.Киевте жүрген зайыбы Наталья екеуіне бірнеше мәселе бойынша алауыздық тудырғаны үшін Қазақстан тарапынан іздеу жарияланған болатын.

JQ-Aqparat