Полиция Ақтаудағы «атысқа» қатысты түсініктеме берді

Маңғыстау облысының ІІД баспасөз қызметі Ақтауда атыс болды деген ақпаратты жоққа шығарды. Олар Ақтау көшелерінің қоршауға алыну себебін түсіндірді.

Тәртіп сақшылары 15 қыркүйек күні сағат 00:50-де 1971 жылғы Ақтау тұрғынын қамауға алған.

«Тінту кезінде одан оқуға арналған граната табылып, тәркіленді. Сот-баллистикалық сараптама тағайындалды. Операция барысында ешқандай атыс болмады және қару қолданылмады. Сот алды тергеу жүргізілуде», — дейді Маңғыстау облысының ІІД баспасөз қызметі.

Еске салсақ, бұған дейін Ақтауда арнайы жасақ көшелерді қоршауға алғаны туралы хабарланған болатын.

NUR.KZ