Павлодарда тәртіп сақшылары ауыр халдегі баланы тезірек ауруханаға жеткізуге көмектесті. Бұл туралы zakon.kz сайты хабарлайды.
29 желтоқсанда жүргізуші Берік Алпысбаев полиция қызметкерлеріне көлігінде тамақтан уланып, тыныс алуы қиындаған 2 жасар сәби бар екенін айтады. Ол денесі көгере бастаған баланы тезірек ауруханаға жеткізуге көмек сұрайды. Инспекторлар Қазбек Сыздықов пен Талғат Қамзин дереу полиция көлігіндегі дыбыс қондырғысын қосып, сәби отырған көліктің кедергісіз ауруханаға баруына жағдай жасады.
Дәрігерлер дер кезінде жеткізілген баланы қарап, жансақтау бөліміне жатқызды.
JQ-Aqparat