Павлодардағы Алюминстрой шағынауданында орналасқан сүрілуі тиіс 86 ескі үй жылыту маусымына дайын болмағандықтан, бұларға әлі жылу қосылмаған, деп хабарлайды ҚазАқпарат.
«Біздің үйлерде қарттар көп. Не істей аламыз? Мен тыл ардагерімін, соғыста еңбек еткенмін. Соғыстан кейін Екібастұз шахтасында жұмыс істедім, денсаулығымнан айырылдым. Өте қиын болды, тар жол тайғақ кешуді бастан өткердік, бірақ біз қазіргідей тоңған жоқ едік», — деді 84 жастағы Мария Коржова. «Павлодарэнерго» АҚ хабарлағандай, жылуға қосылмаған шағынаудандағы (бұрын — кент) 86 үйдің жылу қабылдау дайындығы нөл. Ал олардың инженерлік коммуникациясы жөндеу жұмыстарын қажет етеді. Жыл сайын күзде жылу маусымының алдында ескі ғимараттар жылытуға дайын болмайды. Сондықтан оларды ең соңғы кезекте қосады.
WhatsApp: +7 705 717 9113
