Павлодар тұрғындары үйінде жалғыз қалған сәбиді алып кетті

13 шiлде 2017, 14:38

Павлодар полицейлері бір жарым айлық баласын қараусыз қалдырып кеткен әйелді жазаламақ. Бұл туралы ішкі істер департаменті баспасөз қызметі хабарлады.

Полицияға хабарласқан көпқабатты үй тұрғындарының бірі көрші пәтерде баланың жылап жатқанын айтыпты. Үйге келген тәртіп сақшылары сәбидің онда жалғыз екенін біледі. Баланы дереу облыстық балалар ауруханасына алып келген.

Кейін 32 жастағы әйелдің баласын қараусыз қалдырып, өз жұмыстарымен кетіп қалғаны анықталды. Әйелдің әрекетіне қатысты әкімшілік іс қозғалып отыр. Сондай-ақ, ол ата-ана құқығынан айырылуы да мүмкін.

stan.kz