Павлодар облысының прокуратурасы медициналық ұйымдарда вакциналау науқаны қалай жүргізілгенін тексерді.
Бас прокуратураның баспасөз қызметі хабарлағандай, 21 млн астам сомаға 9,5 мыңнан астам вакцинаны ұтымсыз пайдалану фактілері анықталды.
Атап айтқанда, денсаулық сақтау басқармасының орталықтандырылған сақтау қоймасынан жарамдылық мерзімі өтіп кеткен дәрі-дәрмектер медициналық мекемелерге жіберілген.
Павлодар емханаларының біріне «Пентаксимнің» 135 дозасы препараттың қолданылу мерзімі аяқталған күні берілді.
Мерзімі өткен препараттармен 2 бала вакцинацияланған.
Сондай-ақ кәмелетке толмағандарды қызылшаға қарсы жалған вакцинациялау фактілері анықталды.
Қазіргі уақытта жарамсыз препараттар жойылып, кінәлі адамдар жауапқа тартылған.
JQ-Aqparat