Оралда үш күзетші жұрттың көзінше ер адамды соққының астына алды (видео)

13 шiлде 2017, 14:12

Оралда үш күзетші жұрттың көзінше ер адамды соққының астына алды. Оқиға 12 шілдеде «Айгүл» дүкенінің маңында шамамен таңғы сағат 10:00-де болған.

Видеода үш адамның біреуді қабырғаға тақап алып, соққы жасап жатқаны түсірілген. Видеоның авторы осы жағдайды көре салып, неліктен үшеуі жабылып жатқанын сұрап, полиция шақыруға кеңес береді. Шабуылдаған үшеуі әрекетін тоқтатып, автордан видеоға түсірмеуді талап еткен. Төбелестің неден шыққаны белгісіз. Алайда күзет фирмасының басшысы бұл деректің болғанын растады және шабуылдаған үш жігітті де жұмыстан босатқанын мәлімдеді. Ескерту, видеода бейәдеп сөздер айтылады!