Оңтүстік өңірлерде жүргізуші куәлігін жасайтын қылмыстық топ құрықталды (Видео)

Оңтүстік өңірлерде заңсыз жүргізуші куәлігін берумен айналысқан қылмыстық топ құрықталды. Polisia.kz хабарлағандай, Жамбыл облысында полицейлер еліміздің оңтүстік өңірлері, атап айтқанда Жамбыл, Түркістан облыстары, Алматы және Шымкент қалаларының тұрғындарынан тұратын қылмыстық топтың қызметін тоқтатты.

Олар тиісті оқыту сабақтарын және көлік басқаруын тәжірибе жүзінде тексерместен, ақшалай сыйақы үшін жүргізуші куәліктерін заңсыз берумен ұзақ уақыт бойы айналысқан.

Қылмыстық схемаға ХҚКО қызметкерлері және жоғарыда аталған өңірлерден жүргізуші куәлігін алғысы келетін клиенттерді іздеумен айналысқан “көмекшілер” кірген.

Құжаттар Тараз қаласының халыққа қызмет көрсету орталықтарында ресімделіп, берілген. Осы жылы 12 ақпанда жоғарыда аталған өңірлерде күдіктілердің жұмыс орындары мен тұрғылықты жерлері бойынша құрықтау және тергеу іс-шаралары жүргізілді. Оның ішінде халыққа қызмет көрсету орталықтарының басшылары мен лауазымды адамдары ұсталды.

JQ-Aqparat