Оңғар Қабден: «Голубойлар» байқауы өтіпті». Мынау кешегі батырлардың ұрпағы ма? (Видео)

Өткенде ата-аналар ЛГБТ-ны насихаттайтын сайтты жабуды талап етіп, петиция жариялағанын жазғанбыз. Әлі күнге дейін еш нәтиже жоқ. Сайт сол бұрынғысынша жұмыс істеп тұр.

Үндемеген соң тайраңдай түсе ме дейсің. Танымал блогер Оңғар Қабден Алматыда ЛГБТ өкілдерінің «көгілдірлер» байқауы өткізілгенін айтып, дабыл қақты. Ол өзінің Фейсбук парақшасында: «Жігіт сұлтаны», «Қыз сыны» деген байқауларды білетін шығарсыздар. Талайына таныстыру да жаздық. Кеше Алматыда «голубойлар» байқауы өтіпті.

Мынау кешегі Ұлы Дала батырларының ұрпақтары ма? Алматыда жер сілкінсе сілкінгендей екен. Не мынау?
Өткенде ЛГБТ-ға қарсылық петициясын жариялап еді. Соны қоғам болып қолдайтын сәт келді ғой деймін. Ана айқайлап шулап, қолдап отырғандарда да ми жоқ!

Мұндайларды қит етсе ауру деп ақтайтындарға айтарым, ендеше, осыларға арнап жындыхана сияқты жеке ғимарат соғайық. Сонда апарып жатқызайық», — деп жазды.

«Ұлы дала батырлары» демекші, өткен аптада zonakz.kz сайтында шыққан Жәнібек Сүлеевпен сұхбат «қазақ батырлары ішінде гейлер болған ба» деген мәселеге арналды. Сүлеев айтқан ұзын-сонар әңгіменің тоқетері мынау: «Батыр ең алдымен көшбасшы, егер ол «көгілдір» болса, оған кім бағынар еді?». Журналист Владислав Юрицын әлгі сауалды аспаннан алған жоқ. Ол да біз жоғарыда айтып өткен сайтқа сілтеді. «Қазақтың батырлары бұрын гей болған, Ресейге қосылғаннан кейін тыйым салынған. Енді соған қайта оралу керек» деген жазбаны оқып, жауабын Жәнібек Сүлеевтен сұрады.

JQ-Aqparat