Өмірқұл Айниязов: Он мың долларға жақын қалыңмал бердік

Тамыз айында ұлын үйлендірген әнші Өмірқұл Айниязов дүбірлі тойдың қызықтарын бөлісті. Өнер иесі келініне қанша қалыңмал бергенін ашып айтты. Өмірқұл Айниязов «Ұйқым келмейді» бағдарламасында қонақта болып, ұлының үйлену тойына қатысты ел білмейтін жайттарды ақтарды.

«Шығыстың орамал тақпайтыны болмаса, қалыңмалын да сұрамайды екен. Ол жағы жақсы екен. Бірақ біз елден қалмайық деп, халық қазір не беріп жатыр соны бердік. Ырымын да, бәрін жасадық. Бізде Қызылордада оған қатты қарайды. «Өмірқұл келініне ештеңе апармапты» деп өзіміздің де адамдар айтуы мүмкін. Халық қазіргі уақытта не беріп жатыр, соны бердік. Нұртас сияқты бердім деп айтпай-ақ қояйын. Сол әкесінің жағалы киімі бар, анасы мен қызының гауһартасты бұйымдары бар. Соның барлығын қосқанда он мың доллар болмаса да, соған жақындап қалды», — деді әртіс.

JQ-Aqparat