Оқушылар уланған мектеп директорының Асхат Аймағамбетовке қандай қатысы бар?

Маңғыстаудағы Мұнайлы ауданында 500-ге жуық оқушы уланған мектептің директоры Тойлыбай Аймағанбетов orda.kz сайтына берген сұхбатында Мәжіліс депутаты Асхат Аймағамбетовке туыс болып келетінін айтқан болатын.

Экс-министр өзінің Телеграм-каналында бұл ақпаратты жоққа шығарды.

«Менімен тегі бірдей қанша адам бар екен? Соның бәрін менің туысым деп, қандай да бір мәселе туындап, сол туралы жаза берсе, тақырып қыза түседі. Мысалы, бүгін Маңғыстау облысында оқушылардың жаппай улануы туралы репортаж жасаған басылымның бірі — мектеп директорын маған «туыс» етіп қойған. Мен ол адам туралы бірінші рет естіп отырмын. Өткенде тегі бірдей тағы бір басшыны менің туысым етіп қойды, онымен де ешқандай туыстық байланысым жоқ», — деп жазды ол.

JQ-Aqparat