Оқушы қыздың жұмбақ өлімі

Ақтөбеде 13 жастағы оқушы 10-шы қабатта орналасқан пәтер терезесінен құлады, деп хабарлады «Мой ГОРОД».

Қайғылы оқиға дүйсенбі күні, 24 қазанда орын алған. Қаза тапқан қыз №56 мектепте оқығаны белгілі. 12 шағын ауданда анасымен бірге тұрған. Мұғалімдер ол туралы жақсы пікір айтады.

«Ол жетінші сынып оқушысы болған. Белсенді, ұқыпты болған. Қайғылы оқиға алдында күзгі балға дайындалып жатқан.

Қыздың ата-анасы 2006 жылы ажырасқан. Әпкесі бар, ол күйеуге шыққан», — деді №56 орта мектеп директоры Гүлдария Әбдіғалиева.  Полиция тергеу амалдарын жүргізіп жатыр. ІІД оқыс оқиға немесе қыз өз өзіне қол салғанын анықтауда.

ҚазАқпарат