Оңтүстікте екі ауылдың оқушылары қарумен атысты

Оңтүстік Қазақстан облысындағы екі ауылдың жасөспірімдері бір-бірімен жаппай төбелеске шықты. Нәтижесінде 17 жастағы жас жігіт қайтыс болды.

Екі ауылдың жастары бір-бірімен неліктен қақтығысқаны анықталуда. Алайда Құтарыс және Оймауыт деп аталатын екі ауылдың жоғарғы сынып оқушылары Whatsapp желісі арқылы бір-бірімен жекпе-жекке шығу үшін «келіссөздер» жүргізген. Бұл туралы nur.kz сайты хабарлады.

Атыс болатын жерге әр ауылдан кем дегенде 20 бала жиналғанн. Құтарыс ауылының балалары қарсыластарына бірден оқ жаудыпы, салдарынан екі бала жарақат алған.

Атылған оқтан соң балалар жан-жаққа қашып кеткен. Зардап шеккендер тез арада ауруханаға жеткізіліп, Оймауыт ауылының 17 жасар тұрғыны қайтыс болды.

Бүгінгі таңда жаппай атысқа қатысқандардың аты-жөні анықталып, олар қамауға алынды.

Сот соңы өліммен аяқталған ауыр жарақат жасады деп айыпталған күдіктіні ұстау туралы бұйрық берген.