Нұрлан имам: Оразаны ұйқымен өткізсең, сауабын «түсіңде» көресің

Қасиетті Рамазан айында JIBEK JOLY телеарнасында «Ораза қабыл болсын» бағдарламасының тікелей эфирінде дінтанушы Нұрлан Байжігітұлы «отыз күн оразадағы отыз амалға» тоқталып, көрерменнің сан түрлі сауалына жауап береді.
«Бұл айда компьютерлік ойындар ойнап, сан түрлі сериалдар көру Рамазанның қадірін кетіреді. Ал, Ораза ұстаған адам уақытын ұйқымен өткізсе, сауабы да аз болады. «Оразаны ұйқымен өткізсең, сауабын «түсіңде» көресің». Сондай-ақ оразада тамақты көп ойлау, күні бойына «ауызашарға не дайындаймын» деген ойға берілу, соған уақытын жұмсау және «тамақты көптеп жесем, ертең қарным ашпайды» деген жаңсақ оймен шамадан тыс тамақтану да Оразаның бағасын түсіреді»,- деді имам.

JQ-Aqparat