Мысырлық дәрігер науқастың ішінен 39 шеге алып шықты

11 тамыз 2017, 14:46

Мысырлық хирург науқастың асқазанынан 39 шеге, оттық пен тырнақ алатын құрылғы алып шыққан.

Хирург Абдуррахман Мұстафаның айтуынша, 30 жастағы науқас асқазаны ауырып, ауруханаға түскен. Ультрадыбыстық зерттеу кезінде дәрігер асқазанның ішіндегі темір-терсекті көріп, қатты таң қалған.

Үш сағатқа созылған операция кезінде хирург ер адамның ішінен 39 шеге, оттық пен тырнақ алатын құрылғыны алып шыққан.

Дәрігердің айтуынша, науқастың жағдайы бес күннен кейін жақсарады, ал ауруханадан 15 күннен кейін шығарылады.

Науқастың туған-туыстары оның темір-терсекті бұрын да жұтқанын айтып отыр.

sputniknews.kz