Әнші Қайрат Түнтеков өзін Димаш Құдайбергенмен салыстырғандарға жауап берді, — деп жазды Stan.kz.
«2010 жылы француздың танымал “SOS d’un terrien en detresse” әнін алғаш мен орындадым. Одан кейін Димаш қытай сахнасында айтып шықты. “Қайрат Димаш секілді орындай алмайды” екен деген әңгіме де естідім. Өзімнің ойымша, екеуміздің орындауымызда да сәтті шықты. Музыкадан хабары бар адам екі түрлі бағытта айтылған әнді бірден байқайды. Халық не үшін мені Димашпен салыстыратынын түсінбеймін. Менікі – тап-таза, қоспасыз эстарадалық бағыт. Димаштікі – театрландырылған опералық бағыт.
Соңғы кезде ол әнді мүлдем айтпаймын. Өйткені сөздері өте ауыр. Түсінген адам өлім туралы ән екенін біледі. Кейде халық соған вальс билеп жатады. Тойларға шақырғанда француз әнін сұрап жатады. “Кешіріңіз, бұл әнді айтпағаныма көп болды. Ұнатқан әніңізді айтып берейін” деймін. Тарихын білгеннен кейін, қинамайтын болды», – дейді өнер иесі.