Мемлекеттік әлеуметтік тапсырыс тақырыптары тиімді жоспарланбайды

Бұл туралы бүгін ҚР Дін істері және азаматтық қоғам министрі Ермекбаев Нұрлан Үкіметтің селекторлық режімдегі отырысында жасаған баяндамасында айтты. 

«Мемлекеттік әлеуметтік тапсырыс 10 жылдан бері іске асырылуда. Осы жылдар ішінде қаржыландыру көлемі едәуір артты. Бүгінде республика бойынша 9 миллиард теңгеден астам қаражат бөлінді. Оның ішінде 84 пайызы – жергілікті атқарушы органдар тарапынан іске асырылады. Сонымен қатар әлеуметтік тапсырыс саласы 15 бағытқа дейін кеңейді. Алайда үкіметтік емес ұйымдар мен мемлекеттік органдар белгілеген бірқатар мәселелер шешілмей жатыр. Мәселен, мемлекеттік әлеуметтік тапсырыс тақырыптары тиімді жоспарланбай отыр. Кейбір үкіметтік емес ұйымдар жобалардың шарт мерзімінен кеш және сапасыз орындалу кездесуде», – деді Нұрлан Байұзақұлы. Министр баяндамасында бұл салада кездесетін мәселелерді шешудің нақты жолдарын атап көрсетті. Соның бірі – «Екіншіден, әлеуметтік жобаларды іске асырудың ашықтығын қамтамасыз ету. Мемлекеттік әлеуметтік тапсырыстың іске асырылуын талдау мен мониторинг жүйесін жетілдіру үшін министрліктің интернет ресурсында жаңа онлайн алаңша құрылмақ», – дейді министр.