Президент Қасым-Жомарт Тоқаев Италияға ресми сапармен келді.
Aqorda.resmi Телеграм-каналы жазғандай, Мемлекет басшысын Рим әуежайында Италияның қорғаныс министрі Гвидо Крозетто, Рим Папасының өкілі Франческо Каналини қарсы алды. Мемлекет басшысын күтіп алу кезінде Құрмет қарауылы сап түзеп тұрды.
Қасым-Жомарт Тоқаев сапар барысында Италия Президенті Серджо Маттарелламен, Премьер-министр Джорджа Мелонимен келіссөздер жүргізеді.
Сонымен қатар Президент «Қазақстан-Италия» инвестициялық дөңгелек үстеліне қатысып, бірқатар ірі компания басшыларымен кездесулер өткізеді деп жоспарланып отыр. Қасым-Жомарт Тоқаев 19 қаңтарда Ватиканда Рим Папасы Францискпен кездеседі.
JQ-Aqparat