Мектепте намаз оқыған дұрыс па? Министр жауап берді

Бүгін Үкімет отырысынан кейін болған брифингте оқу-ағарту министрі Ғани Бейсенбаев «Мектепте намазхана керек пе?» деген сауалға  жауап берді.

«Мектеп — білім мен тәрбиенің ошағы. Сол себепті мектепте міндетті түрде ұстаздарымыз балаларымызға білім беруге бағытталуы керек. Бұл туралы біз үнемі айтып жүрміз. Бұл ұстанымнан біз тайған емеспіз. Сондықтан мұнда басқа мәселені көтерудің қажеті жоқ деп ойлаймын», — деді Ғани Бейсембаев брифингте.

Сондай-ол ол әлеуметтік желіде тараған мектепте намаз оқыған балалардың бейнежазбасына қатысты тексеру жүргізіліп жатқанын айтты. Бірақ ең алдымен намаз шынымен мектепте оқылды ма, соны анықтау қажет.

JQ-Aqparat