Алматы облысының прокуратурасы Талғар ауданындағы мектептердің бірінде есепшінің жалақыға арналған бюджет қаражатын ұрлау ю дерегін анықтады.
Бас прокуратураның баспасөз қызметі жазғандай, ол мектепте жұмыс істемейтін қызметкерлер мен олардың туыстарына ақша аударып отырған.
Алдын ала есеп бойынша келтірген шығын 90 млн теңгеден асады. Шығынды есептеу әлі де жалғасуда.
Облыс прокуратурасы қылмыстық іс қозғап, Алматы облысы бойынша Экономикалық тергеу басқармасына жолдады.
Осыған ұқсас жәйт Еңбекшіқазақ ауданында да анықталып, тергеу қорытындысы бойынша мектеп есепшісі тергеу сатысында 10 млн теңгеден астам шығынды өтеген.
JQ-Aqparat