Қазақ эстрадасының дүлділі Мейрамбек Бесбаев мемлекеттік қызметке баруға ниетті емес екенін ашық айтты. «Ұйқым келмейді» бағдарламасына қатысқан өнер иесі аталмыш қызметке қатысты бірнеше ұсыныс жасалғанын айтты.
«Мемлекеттік қызмет істеуге мінезім келмейді. Кішкентай кезімізден еркіндікті қалаған, өнер жағында гастрольдік сапарлармен жүрісіміз көп болғандықтан бұл салаға бара қоймаспыз деп ойлаймын. Өнер адамы үшін бір жерде отырып жұмыс істеу оңай емес. Жауапкершілігі мол қызмет. Одан да біз өнерімізді шыңдап, әнімізді айтып, жастарға кеңес беріп жүре берейікші. Шамамыз келгенше үкіметке бармай-ақ көмектесе берсек те болады. Енді мен өзім бармаспын деп ойлаймын. Өзімді әзірге ол жерде көрмеймін. Бірақ ұсыныстар болғанын жасырмаймын. Мен бас тарттым. Қалай болғанда да өнерге қызмет етеміз ғой», — деді әнші.
JQ-Aqparat