Қолда барда қонышынан басты! Маңғыстауда арнаулы мектептің директоры құлқын қамын көбірек күйттеген. Бұл туралы Бас прокуратураның Телеграм-каналы хабарлады.
Осы өңірдегі Мұнайлы аудандық прокуратура тарапынан жүргізілген тексеру нәтижесінде 3- арнаулы мектеп басшыларының мұғалімдерден ақша жинағаны анықталды. Білім ордасының ұстаздары ай сайын банктердің қосымшасына өз айлығынан жырып, қаржы ауларуға мәжбүр болған. Сондай-ақ директор өзіне тағылған айыппұлдарды қарамағындағы қызметкерлерге төлетіп келген.
Тексеру осы мектепте жасанды бұйрық шығару арқылы кейбір азаматтарға жоғары сомада сыйақы төоеп келгенін анықиады.
Оқу ордасында қызмет бабын теріс пайдалану дерегі бойынша Қылмыстық кодекстің 361-бабы бойынша лауазымды тұлғаларға қатысты сотқа дейінгі тергеу басталды.
JQ-Aqparat