Мал азығы базасы жақсармақ

Бүгінгі таңда ауданда 34 мыңға жуық бас ірі қара, 20,6 мың жылқы, 74 мыңнан астам қой мен ешкі бағылады. Соңғы жылдары 1689 бас ет бағытындағы ірі қара сатып алынып, қырық шаруашылық құрылды. Солардың бірі– «Торғай» серіктестігі 2013 жылдан бері ет бағытындағы ірі қараны асылдандыру жұмысымен айналысып келеді. Жайылымдық жер де жеткілікті.

Қазір шаруашылықта 474 бас Абердина Ангус тұқымдас ірі қара және 179 жылқы бағылады. Биылғы жылы 187 бас қашар сатылды. Мұнда мал бағу үшін барлық жағдай жасалған. Қоралар жөнделіп, үш ұңғыма қазылған. Серіктестік басшысы Валерий Кармелюк асыл тұқымды мал басын мыңға жеткізуді, азықтық дақылдарды көбейту есебінен мал азығы базасын жақсартуды жоспарлап отыр.

Ақмола облысы, Ерейментау ауданы