Белгілі әнші Мақпал Жүнісова су тасқынына қарамастан белгіленген концерттерін өткізіп келгенін айтты. Өнер иесі «еліміз үшін қиын сәтте концерт бермеуі керек еді» деген жұрт сөзіне жауап берді.
«Құрметті халайық, әрбір жерде болып жатқан топан су аяқ астынан айтпай келеді ғой. Соның барлығы тезірек өз шешімін тапса екен. Ел басқарып отырған азамат емеспін. Алдын ала жоспарланған концерттерімді беріп, үйіме қайтып келе жатырмын. Енді концерт жайлы ойларыңызды айтыңыздар. Берме десеңіздер, бермейміз. Билеттер сатылып кетіпті. Маған желіде «неге концерт бересің?» деп жазыпты. Бұл екі ай бұрын жоспарлап қойған концерт қой. Бәр жақсы болып кетсін, аман болыңыздар», — деді Жүнісова Instagram парақшасында.
JQ-Aqparat