Мұсылман жігіт террористердің әрекеті үшін Барселона тұрғындарынан кешірім сұрады(видео)

Барселонада белгісіз мұсылман жігіт Рамбла көшесіне шығып, радикал-террористердің жасаған қанды қылмысы үшін тұрғындардан кешірім сұраған, деп хабарлайды Jasqazaq.kz ақпарат агенттігі Stan.kz сайтына сілтеме жасап.

Ер адам “Мен мұсылманмын. Мен террорист емеспін. Мен махаббат пен әлемді сүйемін” деп жазылған плакаттың қасында тұрған. Сөздер каталон, испан, ағылшын, араб және француз тілдерінде жазылған. Ол өтіп бара жатқан кез-келген адамды құшақтап, өзінің махаббатын білдірген. Оны көп адамдар тобы қоршап алған.

“Ол менің қызымды құшақтап, бірнеше рет кешірім сұрады”, – дейді тұрғын Санда Эрнандес. “Мен оны құшақтаған кезде, ол кешірім сұрады. Мен жылап, рахметімді айттым”, – дейді басқа бір әйел.

Бұған дейін Каталония мұсылмандары терроризмге қарсы қарсылық акциясын ұйымдастырған болатын. Еске салсақ, 17 тамыз күні Рамбла көшесіндегі жүк көлігі адамдар тобына соғып, қанды қырғын жасаған еді.

https://youtu.be/iYREaUIsm3c