Лара Фабиан мен Ева Лонгория Димашқа видеоқұттықтау жолдады (видео)

Белгілі әнші Лара Фабиан мен америкалық актриса Ева Лонгория Димашты туған күнімен құттықтап, ізгі тілектерін жеткізді.

Бүгін дарынымен және сирек кездесетін әсем даусымен қысқа уақытта әлемге танылып үлгерген Димаш Құдайбергеннің туған күні, әнші 23 жасқа толып отыр. Қазақ әншісінің өнеріне Қытайдағы Singer байқауы кезінде тәнті болған Лара Фабиан Димаштың туған күніне орай видеоқұттықтау жолдапты.

Бүгін Димаштың туған күні! @kudaibergenov.dimash құттықтаймыз !🎂 #happybirthday ___________________________________________________ОТПРАВЛЯЙТЕ ВИДЕО В ДИРЕКТ! ……… #Шымкент #videogram_kaz #Алматы #Петропавловск #iloveshymkent #ninetyone #bestasianpopularsinger #thefifthelement #DQ #ThesingerDimash #Димаш #kazakh #Dimash #iamasinger #Kazakhstan #迪玛希 #歌手 #湖南卫视#阿来 #歌手2017 #dears #singer2017 #theglobalgiftgala #fsparis #fourseasons #Paris #evalongoria #dimashkudaibergenov #videooftheday

Публикация от Kazakhstan KZ @iloveshymkent (@videogram_kaz) Май 23 2017 в 10:57 PDT

«…Сенің даусың мен дарыныңды ескерсек, бүгін қасиетті күн деп шын жүректен айта аламын. Сонымен, осы әнімді қабыл ал!», — деп Лара Димаштың туған күніне ән арнады.

Ева Лонгория да өз ізгі тілегін жеткізген. Америкалық актриса Димашты Парижде өткен Global Gift Gala қайырымдылық кешіне шақырған еді.

«Сәлем, Димаш! Мен Евамын. Сені бүгінгі туған күніңмен шын жүректен құттықтаймын! Сен бұл әлемдегі ерекше дарын иесісің. Сенімен таныс болғаныма сондай бақыттымын. Саған бар жақсылықты тілеймін», — дейді Ева.

Димаш биыл туған күнін Қытайда атап өтеді. Әншінің PR-менеджері Алпамыс Шәрімов осы күні Бейжің қаласында Димаштың тұңғыш ресми әлемдік фан-кездесуі өтетінін хабарлаған болатын.

sputniknews.kz