Күре жолдарда мыңнан астам адам құтқарылды (Видео)

14 желтоқсан 2023, 10:50

10 желтоқсаннан бастап еліміздің басым бөлігінде қолайсыз метеорологиялық жағдай қалыптасты. Кейбір өңірлерде экстремалды жағдайлар байқалды.
Polisia.kz хабарлағанбай, жол қозғалысы қауіпсіздігін қамтамасыз ету үшін күре жолдарда полиция қызметкерлері күшейтілген тәртіппен қызмет етуде. Кейбір аймақтардың жолдарындағы патрульдік экипаждар саны 2-3 есеге көбейтілді.
«ҚазАвтоЖол» мен полицияның ескертулеріне қарамастан, кейбір жүргізушілер трассаларға шығып кетіп, тек полицейлердің көмегімен құтқарылып жатыр.
12 облыста халықаралық, республикалық және жергілікті маңызы бар автожолдардың, барлығы 100 учаскеден астам бөлігі жабылды. 500 жылыту пункті жұмыс істейді.
Жолда қалған 1012 адам құтқарылды. Оның ішінде 25 бала бар. 1100 жүргізушіге көмек көрсетілді.