Криптовалютаны заңсыз сату арқылы 100 млн теңгеге жуық ақша тапқан азамат ұсталды

Қаржылық мониторинг агенттігінің Қарағанды облысы бойынша департаменті аса ірі мөлшерде кіріс алумен ұштасқан криптобиржа арқылы электрондық цифрлық активтер айналымымен заңсыз кәсіпкерлік қызметті жүзеге асырған азаматқа қатысты сотқа дейінгі тергеп-тексеруді тіркеді.

Алдын ала қорытынды бойынша 2020 жылдың басынан 2023 жылдың ақпанына дейін әмиянға криптовалюта түсімдерінің көлемі 205 мың АҚШ доллары немесе 95 млн теңгеден асқан.

Күдікті «BINANCE» биржасында сатып алушылардың крипто-әмияндарына ұлының крипто-әмиянынан аударым жасау арқылы криптовалютаны сатуды жүзеге асыратыны анықталды.

АХҚО ақпаратына сәйкес, аталған тұлғалардың ешқайсысында заңды тұлға ретінде айырбастау операцияларын жүзеге асыруға лицензиялар болмаған.

Қазір сотқа дейінгі тергеу тіркелді.

JQ-Aqparat