Қаржылық мониторинг агенттігі автокөлікті заңсыз тіркеумен байланысты тағы бір қылмыстың бетін ашты.
ҚМА Ақмола облысы бойынша департаменті анықтағандай, екі адам «Азаматтарға арналған үкіметтің» Көкшетау қалалық ХҚКО-ның бұрынғы маманымен алдын ала сөз байласқан. Сөйтіп жалған төлем құжаттарын қолданып, тиісті алымдарды төлемей шетелден әкелінген көліктерді бастапқы тіркеуден өткізген.
Жалған төлем-есеп айырысу құжаттары арқылы 68 көліктің заңсыз тіркелгені анықталды.
Бастапқы тіркеу үшін алым төлемеу түріндегі мемлекетке келтірілген шығын шамамен 449 млн теңгені құрады.
JQ-Aqparat