Қызғаншақ жігіт өз қалыңдығын таспен ұрып өлтірген (видео 18+)

Дағыстанда өз қалыңдығын таспен ұрып тастаған ер азамат тұтқындалды. Белгілі болғандай сансыз жарақат алған бойжеткен оқиға орнында жан тапсырған деп хабарлайды kaktus.media-ға сілтеме жасаған NUR.KZ.

Желіде жол бойында ер адамның бойжеткенді аяусыз соққыға жығып жатқан видеосы тарап кеткен болатын. Бейнежазбада қолына дәу тас ұстап алған жігіт қыздың басынан төмпештеп жатқаны байқалады.

Ең сорақысы, өтіп бара жатқан көліктің жайбарақат кете беруі, оқиға куәгері болған такси жүргізушісі де бойжеткенге көмек беруге ұмтылмаған көрінеді.

Дағыстанның ІІМ-нің хабарлауынша, қылмыскер ұсталып оған қатысты тергеу жұмыстары басталып кеткен.

Белгілі болғандай, ер жігіт өзінің қалындығын көзіне шөп салды деп кінәлап, таспен ұрып өлтірген. Аса ауыр жарақат алған бойжеткеннің өмірін дәрігерлер сақтап қала алмаған.

Ескерту! Жүйкесі жұқа адамдарға көруге кеңес бермейміз!