Қырғыз сейсмологы жұртты қорықпауға шақырды

Қырғызстанның сейсмология институтының директоры Қанат Әбдірахманов жер сілкіну туралы өз зерттеуін жариялады. Оның айтуынша, жердің қозғалу кезеңдері бар. Дәлел ретінде марқұм профессор Э.Мамыровтың мәліметіне сүйеніп жасалған кестені ұсынады.

Онда ХХ ғасырдың және ХХІ ғасырдың басында сейсмикалық белсенділіктің басты кезеңдері көрсетілген. Суретте қызыл бояумен күшті жер асты дүмпулері, ал жасылмен жердің тыныштанған кезеңі белгіленген. Осыған орай Қ.Әбдірахманов Фейсбук парақшасында:

«Тыныш» кезеңде де жер сілкінісі болып тұрды, бірақ 5-6 балдан аспайды. Қазір біз 2008 жылы басталған сейсмикалық белсенділіктің 4-ші кезеңіндеміз. Ол 2026 жылы аяқталуы тиіс. Мамыровтың есебінше, бұл кезеңде зілзала күші 5-6 балдан аспауы керек»- деп жазды.

Оның айтуынша, осы кезге дейін барлық болжам расқа шықты.

«Тек 2024 жылғы 23 ақпандағы Қытайдағы жер сілкінісін күтпеген едік. Ештеңе емес! Қорықпаңдар!» — дейді ол.

JQ-Aqparat