Астанада Қуандық Бішімбаевтың ісі бойынша алдын ала тыңдау өтіп жатыр. Оған Қылмыстық кодекстің 99-бабы 2-бөлігі 5-тармағы бойынша адам өлтіру, қасақана, аса қатыгездікпен адам өлтіру, Қылмыстық кодекстің 110-бабы 2-бөлігі 1-тармағы бойынша материалдық жағынан тәуелдi адамды жүйелі түрде ұрып-соғу немесе өзге де зорлық-зомбылық әрекеттері арқылы физикалық және психикалық қинау фактісі бойынша айып тағылып отыр.
Бішімбаев өзіне тағылған айыптарды мойындаған жоқ.
«Тағылған айыптармен келіспеймін. Іс алқабилердің қатысуымен қаралса және сот БАҚ өкілдерінің қатысуымен ашық өтсе», — деді Қуандық Бишімбаев сот алдында.
Іс Елорданың Қылмыстық істер жөніндегі мамандандырылған ауданаралық сотында қаралып жатыр. Судья — Айжан Құлбаева.
Алдын ала тыңдауға 80-ге жуық БАҚ өкілі онлайн қатысуда.
JQ-Aqparat