Қазақта әйел адам көкпарға бармаған: Мейрамбек Беспаевтың әйелі сынға қалды (Видео)

21 қараша 2023, 11:50

Салымға 25 миллион теңге тігіп көкпар берген Мейрамбек Беспаевтың әйелі қатаң сынға қалды. Әншінің жары Мархабат Беспаева әлеуметтік желідегі парақшасында видео жариялады.

«Аллаға шүкір, тарихта қалатын көкпар болды. Еліміздің түкпір-түкпірінен келген және атсалысқан достарымызға мың алғыс», — деп жазды ол.

Ал, желі қолданушылары әйел адамның көкпарға баруы жаман ырым екенін жазуда.

«Қазақта әйел адам көкпарға бармаушы еді. Мына жерде қатындар не істеп жүр?», «Қатын бармайды көкпарға», «Көкпарға әйелдер бармаушы еді ғой», «Не мақтану, түсініксіз», «Көкпарға қатын келсе сәні қашады деуші еді. Мода қылып алыпсыңдар ғой», «Жақсы, бірақ әйел адамның көкпар өтіп жатқан жерде жүргені дұрыс емес деп ойлаймын», — деп жазды олар.