Қарағанды облысында жүк көліктері соғылып, екі адам мерт болды (Видео)

Қарағанды облысында тасжолда жүк көліктерінің соқтығысуы салдарынан екі адам қаза тауып, тағы төртеуі ауруханаға жеткізілді, — деп хабарлайды Қарағанды облысының Полиция департаменті.

10 маусымда сағат 09:59 шамасында Алматы-Екатеринбург тасжолының 655-шақырымында екі MAN жүк көлігі жол-көлік оқиғасына ұшырады.

«Жол апаты салдарынан жүк көлігінің бірінің 20 жастағы жүргізушісі мен оның 31 жастағы жолаушысы оқиға орнында қаза болды. Екінші көліктің жүргізушісі мен бірінші жүк көлігінің үш жолаушысы (барлығы ересектер) медициналық мекемеге жеткізілді», — деп хабарлады ведомство.

Аталған факт бойынша қылмыстық іс қозғалды. Тиісті сараптамалар тағайындалды.

@abakasherlan♬ оригинальный звук — и

JQ-Aqparat