Белгілі блогер, қазақ тілін ерекше әдіспен үйретуші, үш томдық «Ситуативный казахский» кітабының авторы Қанат Тасыбековтің ұлттық ерекшеліктеріміз жайындағы видеосы Тіkток-та 1 000 000 қаралым жинаған.
Бұл туралы ол өзінің Facebook-тегі парақшасында хабарлады.
Қанат Тасыбеков аталған желіні жаңадан игеріп жатқан адам болғандықтан мынадай жетістігіне қайран қалып отыр.
«Менің видеоларымның бәрі қазақ тілі мен мәдениеті жайында. Өзім зейнеткермін. Тіkток-қа тіркелгеніме бір ай ғана болды. Мынау адам сенгісіз жағдай! Қатты риза болдым! Демек, қазақ тіліне, тарихы мен мәдениетіне деген қызығушылық бар! Демек, мен өз білімімді қызықты етіп жеткізе аламын!» – дейді блогер.
Оның айтуынша, Facebook-тегі пост ұзақ тұрмайды. Ақырында жоқ болып кетеді. Есесіне Тіkток-та қаралым ұзақ уақыт бойы жинала береді екен. Ал мына видеосын Тасыбеков осыдан бір апта бұрын салып, миллионға сатылап жеткен.
@kanat_tassibekov #ру_жуз #ситуативныйказахский #казахскийязык #историяказахстана ♬ оригинальный звук — Ситуативный казахский
JQ-Aqparat