Қалдыбек Құрманәлі: Үш байға шыққан психологтар отбасы құндылықтары туралы айтады!

Сазгер Қалдыбек Құрманәлі отандық бағдарламаға сұхбат берген кезінде отбасы құндылықтары туралы сайрайтындар көбейіп кеткеніне шүйлікті.

«Қазір психологтар шықты, өзі үш байға шығады. Бірақ отбасылық құндылықтар туралы айтады. Күйеуіңнің киімін жума, тамақ істеп берме. Ол өзі істеу керек. Сен өзіңді күт, мен тұлғасың деп. Соған ақша төлеп барады екен, кейінгі кезде. Зейнеп Ахметовалар ұлттық құндылықтар туралы әңгіме айтып отырса, мен түсінер едім. Мыналардың өзі жұрт білетін үш байы бар, құдай тілімді жазықты қылмасын. Сөйтіп тұрып, отбасы құндылықтары туралы әңгіме айтады. Айналайын-ау деймін, жүрегімді айнытпаңдаршы деймін. Жүрегім айнып кетеді, сондайдан. Сондай психологтардың өзінің психикасын тексеру керек, кәдімгі жүйкесі ауыратын адамдарды тексеретін адамдарға апару керек», — дейді сазгер.

JQ-Aqparat