Қалдыбек Құрманәлі: Бір әйелдің өзінен 10 жас кіші жігітке тұрмысқа шыққаны дұрыс па?

Танымал сазгер Қалдыбек Құрманәлі “Qasqa Jol” арнасына берген сұхбатында көп әйел алуды қодамайтынын айтты.

“Көп әйел алудың екі-ақ жолы бар. Бірі – еріккендік, екіншісі – әмеңгерлік. Көп әйел алу туралы әңгіме болғанда Бекболат Тілеуханның есімі жиі айтылады. Қазір де соны қозғап отырсың. Ол менің бұрынғы досым болған. Қазір араласпаймыз. Көп әйелге үйленген тойында болмағанмын. Әлеуметтік желі арқылы біліп отырмын. Ұрпақ уланып жатыр. Біреудің төртінші рет үйленіп жатқаны жақсы ма?! Бір әйелдің өзінен 10 жас кіші жігітке тұрмысқа шыққаны дұрыс па?! Мен сол үшін күйіп-пісемін. Міне, өзің де Бекболат туралы айтқанымды қалап отырсың. Ол саған айлық бере ме?! Мен жамандағаннан ол әйелдерінен бас тарта ма?! Соны айтшы. Өзіне ұнаса ала берсін. Бірақ танымал тұлға ретінде үлгі-өнеге алатын адам емес. Маған десе, әр ұлттан алсын ”, – деді сазгер.

JQ-Aqparat