Кемероводағы өрттің алғашқы минуттары түсірілген видео жарияланды

Кемеровадағы «Зимняя вишня» сауда орталығында болған өртте отбасынан айырылған Игорь Востриков өрт басталған алғашқы минуттар түсірілген видеоны әлеуметтік желіде жариялады.

Видеодан орталықтың дәлізін көруге болады, кинозалдар сол жерде орналасқан. Көрермендерге өрттің басталғаны туралы хабарланады және олар асықпай шыға бастайды. Алайда бірнеше секунд ішінде дәліз қалың түтіннен көрінбей қалды, адамдар сол кезде ғана жүгіріп, қаша бастайды. Игорь Востриковтың айтуынша, екі кинозалдағы адамдар шығып үлгерген. Ал, көрермендері қаза болған залдың есігі бастапқыда ашық болып, түтін шыққанда жабылып қалған, сөйтіп олар ғимараттан шыға алмады.

Еске сала кетейік, Кемеровадағы «Зимняя вишня» сауда орталығында 25 наурызда өрт болып, 64 адам қаза тапты, олардың арасында 41 бала бар. Бұл оқиғаға қатысты қылмыстық іс қозғалып, тергеу жүріп жатыр.

tengrinews.kz